Tunnel Road: A wave of confusion
Kere Manjunath ಕೆರೆ ಮಂಜುನಾಥ್
Bengaluru: Over ₹30,000 crore has been poured into Bengaluru's roads over the past decades to control traffic congestion. However, motorists are facing a hellish journey on the roads. A tunnel road project has been planned to cut through the subsoil without conducting soil tests, claiming that it will provide a solution to all this. The tunnel, which is digging into the very bottom of the groundwater, is also being proposed to be built on lakes and gardens. The tunnel road project, which is in the midst of geological tests and environmental concerns, is caught in a series of questions about whether it will meet the waves of smooth traffic.
The first thing to be done for a tunnel road project to be dug underground is a study of the soil layer and lithology. Without such common sense, engineers have prepared a detailed project report (DPR) for a tunnel road costing more than half a billion rupees and have also invited tenders. Not only that, it is the height of ignorance to say that the project will be planned without conducting an Environmental Impact Assessment (EIA) study of the work on the underground and underground tunnel.
No information has been shared publicly, including the complete design of the tunnel, what kind of benefits it will bring, what problems it will cause or how the problem will be solved. Although Bangalore Smart Infrastructure (B-Smile), which is responsible for managing the tunnel project, claims that the plan will be prepared at an international level, it has not done the work that needs to be done at the grassroots level. Expert advice and public opinion were not even taken before finalizing the project.
Traffic congestion in Bangalore is increasing day by day. Although flyovers and underpasses have been built, there has been no solution. The government calls the tunnel a solution to all this. A DPR has also been prepared for it, spending five to six crores. The DPR of the tunnel to be built in Bangalore included areas of Mumbai. This mistake was made because the details of another project were ‘cut and pasted’. This omission was exposed in the DPR, which should have been accurate in every aspect. This was objected to publicly. The previous BBMP Commissioner imposed a fine of only ₹5 lakh on those who prepared the DPR. When the outrage increased, the government formed an ‘expert committee’ to review the DPR of the tunnel road. The expert committee itself said that no soil testing or geological testing had been done. The committee gave a list of 121 points of omission and error, including the fact that it would also harm the environment of Lalbagh Park. After all this was exposed, the opposition from the public, environmental activists, and people’s representatives increased further.
The tunnel road will take up six acres of land in Lalbagh, which is like a ‘crown’ for the environment of Bengaluru, has angered environmental activists. Moreover, the information about the construction of the tunnel road ramp on the banks of Sankey Lake and the ‘exit ramps’ built by moving the Rajakaluwa on the banks of Hebbal Lake has further infuriated the activists. What has come as a bigger shock is the disruption to the city’s groundwater and borewells.
Like ‘Namma Metro’, the proposed tunnel route will not only run under the road. The entry and exit ramps from the main tunnels (two tubes) will run for about one and a half kilometers and connect to the road junctions. The two main tubes, each 45 meters in circumference, will pass under huge structures including buildings, complexes, apartments, etc. 100 feet below ground level. Drilling a tunnel on such a large scale will not only damage the buildings above it, but will also block the flow of water to at least 300 drilled borewells. Experts have expressed strong opposition to the fact that the DPR for the tunnel road has been prepared without even studying the problems caused by drilling, which alters the flow of groundwater underground.
What are the shortcomings identified by the expert committee?
The expert committee constituted by the government has identified 121 shortcomings in the DPR of the tunnel road from Central Silk Board to Hebbal. The expert committee has submitted an 89-page report to the government. It has expressed concerns about many issues in the area, alignment, land availability, traffic, entry and exit points of the tunnel road project. The expert committee said that comprehensive geological and geotechnical studies have not been carried out.
When the shortcomings were found in the DPR, the government had constituted an expert committee headed by S. Heggareddy, Executive Director (Civil) of Bangalore Metro Rail Corporation Limited (BMRCL) in April 2025. Tunnel road expert Vinod Surak, road safety expert B. Ashwath Kumar, and retired chief engineer of the Public Works Department Madhava are the members of the committee. This expert committee submitted its report to the government in May.
The tunnel road project planners have not even given a proper explanation to the serious questions of the expert committee. Geological and geotechnical inspections were not conducted at the time of preparing the DPR. This is against the normal process. The fact that B-Smile Engineers replied to the expert committee’s question regarding the important soil test, ‘The contractors will conduct it from time to time while carrying out the work’ indicates how serious and responsible the project planners are regarding the tunnel road.
All types of acquisition processes should have been completed in 90 percent of the area where the project will be implemented. This can avoid increasing time and cost. However, there is no clarity about this process in the tunnel road plan. The delay in digging the metro tunnel in Bengaluru should have been learned and more precision should have been taken while preparing the tunnel road plan. The committee said that if this was not done, the cost would have increased by 10 to 15 percent.
There is no data on how the tunnel road, which is an alternative to the metro line, will be during traffic congestion. If the entry and exit ramps of the tunnel road are not further widened, there will be traffic congestion. Changing the route of the Hebbal Lake canal will cause obstruction on the airport road. Information on the impact on the environment, including groundwater, is not available. It is against the normal process to estimate and provide the total cost of land acquisition, facility transfer, equipment, toll collection system, etc. The expert committee report states that the number of lanes should be decided keeping in mind the traffic forecast for the next 25 years on the tunnel road.
- 16.69 km; Tunnel road from Hebbal Junction to Silkboard (North-South Corridor)
- ₹17,780 crore; Estimated cost of tunnel road construction
- 3 lanes; Route in tunnel road
- Route: There will be entry and exit of vehicles in front of Hebbal Lake. A ‘point’ will be constructed near Hebbal Veterinary Hospital for entry and exit of vehicles. ‘Point’ near Mekhri Circle Palace Ground, Golf Ground and Maharani College, Lalbagh (Ashoka Pillar). Entry and exit will be provided on Sarjapur Road and Outer Ring Road.
- 28.181 km; Tunnel road from K.R.Pura to Nayandahalli (East-West Corridor) (Twin Tube Tunnel)
- ₹25,022 crore; Estimated cost of tunnel road construction
- 6 lanes; Route on tunnel road
- Route: K.R. Pura to Jawaharlal Nehru Park, C.V. Raman Hospital, Indiranagar, Domlur, Lalbagh, National College, Chamarajpet, Karyasiddhi Anjaneya Temple to Nice Road Junction near Nayandahalli
₹27 thousand crore loan
* The state cabinet on June 9 gave administrative approval for the estimated cost of ₹40 thousand crore to build a 33.490 km long tunnel road in two corridors namely North-South and East-West, despite the expectation of an increase of 10 to 15 percent.
* Permission has also been given to take a loan of ₹27 thousand crore from HUDCO at an interest rate of 8.95 percent per annum, and the government has also given a guarantee for a loan of ₹19 thousand crore.
*The tunnel road to be built by 2030 will reduce the travel time between Hebbal and Silkboard by half. To travel on this road, you will have to pay ₹19 per km.
* The tunnel road will be built on a BOOT (Development, Operation, Transfer) basis. A single journey on the tunnel road will cost around ₹317.
Lalbagh, Sankey, Hebbal Lakes Affected
No Environmental Impact Assessment (EIA) was conducted while preparing the tunnel road construction plan. The tunneling will affect the biodiversity including Lalbagh Garden, Sankey Lake, and the source of Hebbal Lake. Drilling underground will pose a threat to groundwater and borewells.
In addition to the ten tunnel roads passing under Lalbagh, which is a green bed for the city's atmosphere, there has been strong opposition from environmental activists to the DPR mentioning that eight acres of land will be used for the construction of a commercial complex, bus-taxi stand, and high-tech malls in an eight-acre area within Lalbagh.
The Lalbagh Siddapur main road will have an entrance and exit to the tunnel in the surrounding area, including the Lalbagh South Gate (Siddapur Gate) entrance, and a five-storey commercial complex with many amenities will also be built here. The DPR has identified an alignment to acquire more than 2.56 lakh square feet (about 6 acres) of land in the Vishweshwarpur ward, which includes the villages of Lalbagh, Annipura, Arekempanahalli, and Siddapur.
The new exit lane, which is not in the final DPR, will open near Sanki Lake, which is already suffering from encroachment. From Mekhri Circle, C.V. Roddick Consultants, which had prepared a DPR to construct a new exit ramp from the bottom of the golf course to Sankey Lake, has submitted a report to the B-Smile Technical Director on October 9 with ‘changed alignment annexures’. In addition, there will be entrance and exit tubes of the tunnel road at the Hebbal-Esteem Mall junction. The Hebbal Lake Angala and Rajakaluve route are being changed as it is intended to take up more space in the shaft construction area at this junction in the final detailed project report (DPR). There has been a lot of objection to this.
Tunnel ramps are planned to be constructed in the buffer zone of Hebbal Lake and Sankey Lake. However, the fact that the organization that prepared the DPR did not obtain permission from the BBMP, GBA, B-Smile or the Karnataka Lake Conservation and Development Authority (KTCDA) is considered a major omission.
A thorn in the side of groundwater, borewells
The tunnel route will pose a problem for groundwater, water bodies and borewells, and the Detailed Project Report (DPR) has not suggested any remedial measures for this. ‘Groundwater, water bodies have not been considered in any report. This is a major risk to the tunnel road. The DPR preparers have no answer to the question of the ‘Expert Committee’ formed by the state government as to why ‘Electrical Resistivity Tomography’ (ERT) was not used to identify water bodies.
‘Our Metro’ also runs through a tunnel. The metro tunnel has been dug only under the road. However, the tunnel road connecting Hebbal Junction to Silkboard will pass under residential, commercial buildings, institutional areas, and important government buildings. This is likely to affect the borewells in houses or commercial buildings. In most parts of the city, including the central part, hundreds of feet have been drilled for borewells. Since the tunnel road is 50 feet to 100 feet deep, it will cause problems for borewells. In addition, citizens and experts have expressed concerns about the ‘foundation’ of large buildings being affected.
‘No approval received’: Katyayani
The tunnel project has not received any approval from the City Planning Committee, BMLTA or the Environment Department. It is not in the Comprehensive Mobility Plan (CMP). The Directorate of Urban Land Transport (DULT) has said that ‘this project is not desirable’. The tunnel is a completely temporary project, which is outside all due process of law. No study has been done to estimate how many people are likely to use the tunnel. The DPR states that the tunnel is ‘for cars only’. Currently, there are only 25 lakh cars in the city. How many of them can afford to pay around ₹600 per day to travel 16 km? If they use this route regularly, it will cost ₹18,000 per month. How many people can afford to pay this amount. This tunnel will not reduce traffic congestion,’ said Katyayani Chamaraj, executive trustee of Civic-Bengaluru.
Plan to spread ashes: Srihari
Building a tunnel road on a limited route will not reduce traffic congestion in all parts of the city. This is a very expensive project. Who benefits from building a tunnel by borrowing money and charging a fee? What is the justice in using the tax money of the common people to benefit some? Traffic congestion will increase even more at the exit and entrance of the tunnel road. There are very hard rocks in the underground of Bangalore. They charge a high bill for drilling such ‘hard rock’. This causes more problems. As an urban expert, I have also given suggestions to many projects at the government level. This tunnel road is just a plan to spread ashes to the people. Instead of spending thousands of crores on this project, traffic congestion will almost be eliminated if the existing roads are kept in very good condition without potholes and without any obstacles, said traffic expert Prof. M.N. Srihari.
Shut-down project: Devare
‘Those who say that the tunnel road will reduce traffic congestion have not told anyone how the solution will be provided. Before implementing major projects, citizens and experts have not been consulted and how the impact on the environment and citizens’ property will be managed. Without informing citizens about the tunnel road project, everything is being done in a secret manner. The tunnel road will harm Lalbagh, and the project has been formulated without a scientific study. This will harm the biodiversity in Lalbagh as well as the water bodies and huge rocks. It is better for the state government to abandon this project. The tunnel road will not only harm Lalbagh, Sankey Lake and Hebbal Lake. This tunnel road project will increase problems in all parts of the city,’ said environmental activist D.T. Devare.
No green-destroying development: Vijay Nishant
‘A tunnel road is proposed to be built in the city for the first time. But no one has given detailed information about this project publicly. Each one is saying one thing. What is there to cover up without informing the citizens is the cause of many confusions. Furthermore, there are many interpretations about the rock with a history of thousands of years in Lalbagh. There are three or four water bodies corresponding to this. The tunnel road is sure to cause problems if it is built under these. If a ‘shaft’ is built in a few acres of Lalbagh area above, it will cause traffic congestion as well as crowding. We do not need such a development project that destroys the greenery of Lalbagh,’ said environmental activist Vijay Nishant.
There is no alternative to the tunnel road; Opposition for politics is not right: D.K. Shivakumar
‘There is no alternative plan for traffic congestion in Bangalore other than the tunnel road. The city has grown a lot. The roads cannot be widened. If we go for expansion, there will be a problem of land acquisition. Even if we give thousands of crores of compensation, the problem will not be solved. If we build a tunnel road apart from expansion and land acquisition, the construction work will be done inside the land. This will be more convenient for the IT-BT class. In this era when time is money, it takes about two hours to travel by road from Hebbal to Silkboard Junction. Businessmen do not want to spend that much time. Therefore, the tunnel road will benefit all of them,' Deputy Chief Minister D.K. Shivakumar told 'Prajavani'.
'Union Road Transport Minister Nitin Gadkari has said that the tunnel road is a good project. He had said that he would do it himself. However, all the property ownership of the tunnel road area comes under the control of the Center, and there is no state control. Therefore, we are doing it ourselves. Hasn't a tunnel road been built in Mumbai? Isn't what we did not do right? It is not right to oppose it for political reasons,' he said.
"There is a possibility that the tunnel route will cause problems for some 'utilities' including borewells and groundwater. Efforts will be made to resolve it. Land will only be used for the construction of the tunnel road in Lalbagh. We will replace the commercial center there if necessary. Only about half an acre of land will be used for the ramp. I have spoken to all the BJP MLAs about this tunnel road. Everyone has agreed. Only one MP and a few are opposing it for political reasons," he said.
ALSO READ…. TUNNEL road: USE of 6 acres inside Lalbagh ಸುರಂಗ ರಸ್ತೆ: ಲಾಲ್ಬಾಗ್ ಒಳಗೆ 6 ಎಕರೆ ಬಳಕೆ
Also READ… Tunnel Road: ‘Shaft’ inside Lalbagh *ಸುರಂಗ ರಸ್ತೆ: ಲಾಲ್ಬಾಗ್ನೊಳಗೆ ‘ಶಾಫ್ಟ್’*
Also read…. Tunnel road: THREAT to Hebbal, Sankey Lake *ಸುರಂಗ ರಸ್ತೆ: ಹೆಬ್ಬಾಳ, ಸ್ಯಾಂಕಿ ಕೆರೆಗೆ ಕಂಟಕ*
Twin Tunnel… https://keremanju.blogspot.com/2025/07/bengaluru-tender-for-twin-tunnel-road.html
Tunnel not a solution for Traffic….
https://keremanju.blogspot.com/2025/07/tunnel-road-19-per-km-50-reduction-in.html
ಸುರಂಗ: ಗೊಂದಲಗಳದ್ದೇ ತರಂಗ
Kere Manjunath ಕೆರೆ ಮಂಜುನಾಥ್
ಬೆಂಗಳೂರು: ಸಂಚಾರ ದಟ್ಟಣೆ ನಿಯಂತ್ರಣಕ್ಕೆಂದು ಹತ್ತಾರು ವರ್ಷಗಳಲ್ಲಿ ₹30 ಸಾವಿರ ಕೋಟಿಗೂ ಹೆಚ್ಚು ಹಣವನ್ನು ಬೆಂಗಳೂರಿನ ರಸ್ತೆಗಳಿಗೆ ಸುರಿಯಲಾಗಿದೆ. ಆದರೂ ವಾಹನ ಸವಾರರಿಗೆ ರಸ್ತೆಯಲ್ಲಿ ನರಕಯಾತನೆ ತಪ್ಪಿಲ್ಲ. ಇದಕ್ಕೆಲ್ಲ ಪರಿಹಾರ ನೀಡುತ್ತೇವೆ ಎಂದು ಮಣ್ಣಿನ ಪರಿಶೀಲನೆ ಮಾಡದೆಯೇ ಭೂಗರ್ಭವನ್ನೇ ಸೀಳಲು ಸುರಂಗ ರಸ್ತೆ ಯೋಜನೆ ರೂಪಿಸಲಾಗಿದೆ. ಅಂತರ್ಜಲದ ಬುಡವನ್ನೇ ಕೊರೆಯುವ ಸುರಂಗ, ಕೆರೆ, ಉದ್ಯಾನಗಳನ್ನೂ ಆಪೋಶನ ತೆಗೆದುಕೊಳ್ಳಲು ಮುಂದಾಗಿದೆ. ಭೂವೈಜ್ಞಾನಿಕ ಪರೀಕ್ಷೆ, ಪರಿಸರಸೂಕ್ಷ್ಮಗಳ ಗೊಂದಲದಲ್ಲಿರುವ ಸುರಂಗ ರಸ್ತೆ ಯೋಜನೆ, ಸುಗಮ ಸಂಚಾರದ ತರಂಗಗಳನ್ನು ಮೀಟುವುದೇ ಎಂಬ ಯಕ್ಷಪ್ರಶ್ನೆಗಳ ಸರಮಾಲೆಯಲ್ಲಿ ಸಿಲುಕಿದೆ.
ಭೂಗರ್ಭದಲ್ಲಿ ಕೊರೆಯುವ ಸುರಂಗ ರಸ್ತೆ ಯೋಜನೆಗೆ ಮೊದಲು ಮಾಡಬೇಕಾದ ಕೆಲಸವೆಂದರೆ ಮಣ್ಣಿನ ಪದರ ಹಾಗೂ ಶಿಲಾಶಾಸ್ತ್ರದ ಅಧ್ಯಯನ. ಇಂತಹ ಸಾಮಾನ್ಯ ಜ್ಞಾನವಿಲ್ಲದೆ, ಎಂಜಿನಿಯರ್ಗಳು ಅರ್ಧ ಶತಕೋಟಿಗೂ ಹೆಚ್ಚು ವೆಚ್ಚದ ಸುರಂಗ ರಸ್ತೆಯ ವಿಸ್ತೃತ ಯೋಜನಾ ವರದಿ (ಡಿಪಿಆರ್) ತಯಾರು ಮಾಡಿ, ಟೆಂಡರ್ ಅನ್ನೂ ಆಹ್ವಾನಿಸಿದ್ದಾರೆ. ಅಷ್ಟೇಅಲ್ಲ, ಭೂಮಿ ಮೇಲ್ಭಾಗ ಹಾಗೂ ಅದರ ಒಳಗೆ ನಡೆಯುವ ಸುರಂಗ ರಸ್ತೆಯ ಕಾಮಗಾರಿಯಿಂದ ಪರಿಸರದ ಮೇಲಾಗುವ ಪರಿಣಾಮದ ಅಧ್ಯಯನವನ್ನೂ (ಇಐಎ) ಮಾಡದೆ ಯೋಜನೆ ಮಾಡುತ್ತೇವೆ ಎನ್ನುತ್ತಿರುವುದು ಅಜ್ಞಾನದ ಪರಮಾವಧಿಯೇ ಸರಿ.
ಸುರಂಗ ರಸ್ತೆಯ ಸಂಪೂರ್ಣ ವಿನ್ಯಾಸ, ಯಾವ ರೀತಿಯ ಅನುಕೂಲಗಳಾಗುತ್ತವೆ, ಯಾವುದರಿಂದ ತೊಂದರೆ ಇದೆ ಅಥವಾ ಸಮಸ್ಯೆ ನಿವಾರಿಸಲಾಗುತ್ತದೆ ಎಂಬುದೂ ಸೇರಿದಂತೆ ಯಾವ ಮಾಹಿತಿಗಳನ್ನೂ ಸಾರ್ವಜನಿಕವಾಗಿ ಹಂಚಿಕೊಂಡಿಲ್ಲ. ಸುರಂಗ ರಸ್ತೆ ಯೋಜನೆ ನಿರ್ವಹಣೆ ಜವಾಬ್ದಾರಿ ಹೊತ್ತಿರುವ ಬೆಂಗಳೂರು ಸ್ಮಾರ್ಟ್ ಇನ್ಫ್ರಾಸ್ಟ್ರಕ್ಚರ್ (ಬಿ–ಸ್ಮೈಲ್), ಅಂತರರಾಷ್ಟ್ರೀಯ ಮಟ್ಟದಲ್ಲಿ ಯೋಜನೆ ರೂಪಿಸಲಾಗುತ್ತದೆ ಎಂದು ಹೇಳಿಕೊಂಡಿದ್ದರೂ, ತಳಮಟ್ಟದಲ್ಲಿ ಆಗಬೇಕಾದಂತಹ ಕೆಲಸಗಳನ್ನೇ ಮಾಡಿಲ್ಲ. ಯೋಜನೆಯನ್ನು ಅಂತಿಮಗೊಳಿಸುವ ಮುನ್ನ ತಜ್ಞರ ಸಲಹೆ, ಸಾರ್ವಜನಿಕರ ಅಭಿಪ್ರಾಯವನ್ನೂ ಪಡೆದಿಲ್ಲ.
ದಿನದಿಂದ ದಿನಕ್ಕೆ ಬೆಂಗಳೂರಿನಲ್ಲಿ ಸಂಚಾರ ದಟ್ಟಣೆ ಹೆಚ್ಚಾಗುತ್ತಲೇ ಇದೆ. ಮೇಲ್ಸೇತುವೆ, ಅಂಡರ್ಪಾಸ್ಗಳು ನಿರ್ಮಾಣವಾಗಿದ್ದರೂ ಪರಿಹಾರ ಸಿಕ್ಕಿಲ್ಲ. ಇದಕ್ಕೆಲ್ಲ ಸುರಂಗ ರಸ್ತೆ ಪರಿಹಾರ ಎನ್ನುತ್ತದೆ ಸರ್ಕಾರ. ಅದಕ್ಕಾಗಿ ಐದಾರು ಕೋಟಿ ವೆಚ್ಚ ಮಾಡಿ ಡಿಪಿಆರ್ ಅನ್ನೂ ತಯಾರಿಸಲಾಗಿದೆ. ಬೆಂಗಳೂರಿನಲ್ಲಿ ನಿರ್ಮಾಣವಾಗಲಿರುವ ಸುರಂಗ ರಸ್ತೆಯ ಡಿಪಿಆರ್ನಲ್ಲಿ ಮುಂಬೈನ ಪ್ರದೇಶಗಳು ಸೇರಿಕೊಂಡಿದ್ದವು. ಬೇರೊಂದು ಯೋಜನೆಯ ವಿವರಗಳನ್ನು ‘ಕಟ್ ಆ್ಯಂಡ್ ಪೇಸ್ಟ್’ ಮಾಡಿದ್ದರಿಂದ ಇಂತಹ ಪ್ರಮಾದವಾಗಿತ್ತು. ಪ್ರತಿಯೊಂದು ಅಂಶವೂ ನಿಖರವಾಗಿರಬೇಕಿದ್ದ ಡಿಪಿಆರ್ನಲ್ಲಿ ಈ ಲೋಪ ಬಹಿರಂಗವಾಗಿತ್ತು. ಇದಕ್ಕೆ ಸಾರ್ವಜನಿಕವಾಗಿ ಆಕ್ಷೇಪ ವ್ಯಕ್ತವಾಯಿತು. ಹಿಂದಿನ ಬಿಬಿಎಂಪಿ ಆಯುಕ್ತರು ಡಿಪಿಆರ್ ಸಿದ್ಧಪಡಿಸಿದವರಿಗೆ ₹5 ಲಕ್ಷ ದಂಡವನ್ನಷ್ಟೇ ವಿಧಿಸಿದರು. ಆಕ್ರೋಶ ಹೆಚ್ಚಾದಾಗ ಸರ್ಕಾರ, ಸುರಂಗ ರಸ್ತೆಯ ಡಿಪಿಆರ್ ಅನ್ನು ಪರಿಶೀಲಿಸಲು ‘ತಜ್ಞರ ಸಮಿತಿ’ಯನ್ನು ರಚಿಸಿತು. ಮಣ್ಣಿನ ಪರೀಕ್ಷೆ, ಭೂವೈಜ್ಞಾನಿಕ ಪರೀಕ್ಷೆಗಳೇ ಆಗಿಲ್ಲ ಎಂದು ಆ ತಜ್ಞರ ಸಮಿತಿಯೇ ಹೇಳಿದೆ. ಲಾಲ್ಬಾಗ್ ಉದ್ಯಾನದ ಪರಿಸರಕ್ಕೂ ಧಕ್ಕೆಯಾಗುತ್ತದೆ ಎಂಬುದೂ ಸೇರಿದಂತೆ 121 ಅಂಶಗಳ ಲೋಪ–ದೋಷಗಳ ಪಟ್ಟಿಯನ್ನೇ ಸಮಿತಿ ನೀಡಿದೆ. ಇದೆಲ್ಲ ಬಹಿರಂಗವಾದ ಮೇಲೆ ಸಾರ್ವಜನಿಕರು, ಪರಿಸರ ಕಾರ್ಯಕರ್ತರು, ಜನಪ್ರತಿನಿಧಿಗಳ ವಿರೋಧ ಮತ್ತಷ್ಟು ಹೆಚ್ಚಾಗಿದೆ.
ಬೆಂಗಳೂರಿನ ಪರಿಸರಕ್ಕೆ ‘ಕಿರೀಟ’ದಂತಿರುವ ಲಾಲ್ಬಾಗ್ನಲ್ಲಿ ಆರು ಎಕರೆ ಜಾಗವನ್ನು ಸುರಂಗ ರಸ್ತೆ ಕಬಳಿಸಲಿದೆ ಎಂಬುದು ಪರಿಸರ ಕಾರ್ಯಕರ್ತರನ್ನು ಕೆರಳಿಸಿದೆ. ಅಷ್ಟೇ ಅಲ್ಲದೆ, ಸ್ಯಾಂಕಿ ಕೆರೆಯ ದಡದಲ್ಲಿ ಸುರಂಗ ರಸ್ತೆಯ ರ್ಯಾಂಪ್ ಹಾಗೂ ಹೆಬ್ಬಾಳ ಕೆರೆಯ ದಡದಲ್ಲಿ ರಾಜಕಾಲುವೆಯನ್ನೇ ಪಕ್ಕಕ್ಕೆ ಸರಿಸಿ ನಿರ್ಮಿಸಲಾಗಿರುವ ‘ಎಕ್ಸಿಟ್ ರ್ಯಾಂಪ್’ಗಳ ನಿರ್ಮಾಣದ ಮಾಹಿತಿಗಳು ಹೋರಾಟಗಾರರನ್ನು ಮತ್ತಷ್ಟು ಉಗ್ರಗೊಳಿಸಿದೆ. ಇದಕ್ಕಿಂತ ಹೆಚ್ಚಿನ ಆಘಾತ ತಂದಿರುವುದು ವಿಷಯವೆಂದರೆ ನಗರದ ಅಂತರ್ಜಲ ಹಾಗೂ ಕೊಳವೆಬಾವಿಗಳಿಗೆ ಅಡ್ಡಿ.
‘ನಮ್ಮ ಮೆಟ್ರೊ’ದಂತೆ ಉದ್ದೇಶಿತ ಸುರಂಗ ಮಾರ್ಗ ರಸ್ತೆಯ ಕೆಳಭಾಗದಲ್ಲಿ ಮಾತ್ರ ಸಾಗುವುದಿಲ್ಲ. ಮುಖ್ಯ ಟನಲ್ಗಳಿಂದ (ಎರಡು ಟ್ಯೂಬ್) ಪ್ರವೇಶ ಮತ್ತು ನಿರ್ಗಮನದ ರ್ಯಾಂಪ್ಗಳು ಸುಮಾರು ಒಂದೂವರೆ ಕಿಲೋ ಮೀಟರ್ ಸಾಗಿ ರಸ್ತೆಯ ಜಂಕ್ಷನ್ಗಳಿಗೆ ಸಂಪರ್ಕ ಕಲ್ಪಿಸುತ್ತವೆ. ತಲಾ 45 ಮೀಟರ್ ಸುತ್ತಳತೆ ಹೊಂದಲಿರುವ ಮುಖ್ಯವಾದ ಎರಡು ಟ್ಯೂಬ್ಗಳು ಭೂಮೇಲ್ಮೈನಿಂದ ಭೂಗರ್ಭದ 100 ಅಡಿ ಕೆಳಗೆ ಕಟ್ಟಡ, ಸಂಕೀರ್ಣ, ಅಪಾರ್ಟ್ಮೆಂಟ್ ಸೇರಿದಂತೆ ಬೃಹತ್ ನಿರ್ಮಾಣಗಳ ಕೆಳಗೇ ಹಾದುಹೋಗಲಿವೆ. ಇಷ್ಟು ದೊಡ್ಡ ಅಳತೆಯಲ್ಲಿ ಸುರಂಗ ಕೊರೆದಾಗ ಅದರ ಮೇಲಿನ ಕಟ್ಟಡಗಳಿಗೆ ಹಾನಿಯಾಗುವುದಲ್ಲದೆ, ಕನಿಷ್ಠ 300 ಕೊರೆಯಲಾಗಿರುವ ಕೊಳವೆಬಾವಿಗಳಿಗೆ ನೀರಿನ ಹರಿವಿಗೇ ತಡೆಯಾಗಲಿದೆ. ಭೂಗರ್ಭದಲ್ಲಿ ಅಂತರ್ಜಲದ ಹರಿವನ್ನೇ ಬದಲಾಯಿಸುವ ಕೊರೆತದಿಂದ ಉಂಟಾಗುವ ಸಮಸ್ಯೆಗಳ ಅಧ್ಯಯನವನ್ನೂ ಮಾಡದೆ ಸುರಂಗ ರಸ್ತೆಯ ಡಿಪಿಆರ್ ತಯಾರಿಸಲಾಗಿರುವುದಕ್ಕೆ ತಜ್ಞರು ಅತಿಯಾದ ವಿರೋಧ ವ್ಯಕ್ತಪಡಿಸಿದ್ದಾರೆ.
ತಜ್ಞರ ಸಮಿತಿ ಗುರುತಿಸಿರುವ ಲೋಪಗಳೇನು?
ಸೆಂಟ್ರಲ್ ಸಿಲ್ಕ್ ಬೋರ್ಡ್ನಿಂದ ಹೆಬ್ಬಾಳದವರೆಗಿನ ಸುರಂಗ ರಸ್ತೆಯ ಡಿಪಿಆರ್ನಲ್ಲಿ ಸರ್ಕಾರವೇ ರಚಿಸಿರುವ ತಜ್ಞರ ಸಮಿತಿ 121 ಲೋಪ–ದೋಷಗಳನ್ನು ಗುರುತಿಸಿದೆ. ತಜ್ಞರ ಸಮಿತಿ 89 ಪುಟಗಳ ವರದಿಯನ್ನು ಸರ್ಕಾರಕ್ಕೆ ಸಲ್ಲಿಸಿದೆ. ಸುರಂಗ ರಸ್ತೆ ಯೋಜನೆಯ ಪ್ರದೇಶ, ಅಲೈನ್ಮೆಂಟ್, ಭೂಲಭ್ಯತೆ, ಸಂಚಾರ, ಪ್ರವೇಶ–ನಿರ್ಗಮನ ಸ್ಥಳಗಳಲ್ಲಿ ಹಲವು ಸಮಸ್ಯೆಗಳ ಬಗ್ಗೆ ಕಳವಳ ವ್ಯಕ್ತಪಡಿಸಿದೆ. ಸಮಗ್ರ ಭೂವೈಜ್ಞಾನಿಕ, ಭೂತಾಂತ್ರಿಕ ಅಧ್ಯಯನಗಳಾಗಿಲ್ಲ ಎಂಬುದನ್ನು ತಜ್ಞರ ಸಮಿತಿ ಹೇಳಿದೆ.
ಡಿಪಿಆರ್ನಲ್ಲಿ ಲೋಪ ಕಂಡಬಂದ ಸಂದರ್ಭದಲ್ಲಿ, ಬೆಂಗಳೂರು ಮೆಟ್ರೊ ರೈಲ್ ಕಾರ್ಪೊರೇಷನ್ ಲಿಮಿಟೆಡ್ನ (ಬಿಎಂಆರ್ಸಿಎಲ್) ಕಾರ್ಯಕಾರಿ ನಿರ್ದೇಶಕ (ಸಿವಿಲ್) ಎಸ್. ಹೆಗ್ಗರೆಡ್ಡಿ ನೇತೃತ್ವದಲ್ಲಿ 2025ರ ಏಪ್ರಿಲ್ನಲ್ಲಿ ತಜ್ಞರ ಸಮಿತಿಯನ್ನು ಸರ್ಕಾರ
ರಚಿಸಿತ್ತು. ಸುರಂಗ ರಸ್ತೆ ತಜ್ಞ ವಿನೋದ್ ಶುಲ್ಕ, ರಸ್ತೆ ಸುರಕ್ಷತೆ ತಜ್ಞ ಬಿ. ಅಶ್ವತ್ಥ್ ಕುಮಾರ್, ಲೋಕೋಪಯೋಗಿ ಇಲಾಖೆಯ ನಿವೃತ್ತ ಮುಖ್ಯ ಎಂಜಿನಿಯರ್ ಮಾಧವ ಅವರು ಸಮಿತಿ ಸದಸ್ಯರಾಗಿದ್ದಾರೆ. ಈ ತಜ್ಞರ ಸಮಿತಿ ಮೇ ತಿಂಗಳಲ್ಲಿ ಸರ್ಕಾರಕ್ಕೆ ವರದಿ ಸಲ್ಲಿಸಿದೆ.
ಸುರಂಗ ರಸ್ತೆ ಯೋಜನೆಯನ್ನು ರೂಪಿಸಿರುವವರು, ತಜ್ಞರ ಸಮಿತಿಯ ಗಂಭೀರ ಪ್ರಶ್ನೆಗಳಿಗೆ ಸರಿಯಾದ ವಿವರಣೆಯನ್ನೂ ನೀಡಿಲ್ಲ. ಭೂವೈಜ್ಞಾನಿಕ ಮತ್ತು ಭೂತಾಂತ್ರಿಕ ತಪಾಸಣೆಗಳನ್ನು ಡಿಪಿಆರ್ ತಯಾರಿಸಿರುವ ಸಮಯದಲ್ಲಿ ನಡೆಸಿಲ್ಲ. ಇದು ಸಾಮಾನ್ಯ ಪ್ರಕ್ರಿಯೆಗೆ ವಿರುದ್ಧವಾಗಿದೆ. ಪ್ರಮುಖವಾದ ಮಣ್ಣಿನ ಪರೀಕ್ಷೆಗೆ ಸಂಬಂಧಿಸಿದ ತಜ್ಞರ ಸಮಿತಿ ಪ್ರಶ್ನೆಗೆ, ‘ಗುತ್ತಿಗೆದಾರರು ಕಾಮಗಾರಿ ಮಾಡುವ ಸಂದರ್ಭದಲ್ಲಿ ಕಾಲಕಾಲಕ್ಕೆ ಅದನ್ನು ನಡೆಸುತ್ತಾರೆ’ ಎಂದು ಬಿ–ಸ್ಮೈಲ್ ಎಂಜಿನಿಯರ್ಗಳು ಉತ್ತರ ನೀಡಿರುವುದು, ಸುರಂಗ ರಸ್ತೆ ಬಗ್ಗೆ ಯೋಜನೆ ವಿನ್ಯಾಸಗಾರರು ಎಷ್ಟು ಗಂಭೀರ ಹಾಗೂ ಜವಾಬ್ದಾರಿಯನ್ನು ಹೊಂದಿದ್ದಾರೆ ಎಂಬುದನ್ನು ಸೂಚಿಸುತ್ತದೆ.
ಯೋಜನೆ ಅನುಷ್ಠಾನವಾಗುವ ಶೇ 90ರಷ್ಟು ಪ್ರದೇಶದಲ್ಲಿ ಎಲ್ಲ ರೀತಿಯ ಸ್ವಾಧೀನ ಪ್ರಕ್ರಿಯೆಯನ್ನು ಮುಗಿಸಿರಬೇಕು. ಇದರಿಂದ ಸಮಯ ಹಾಗೂ ವೆಚ್ಚ ಹೆಚ್ಚಾಗುವುದನ್ನು ತಪ್ಪಿಸಬಹುದು. ಆದರೆ, ಸುರಂಗ ರಸ್ತೆಯ ಯೋಜನೆಯಲ್ಲಿ ಈ ಪ್ರಕ್ರಿಯೆ ಬಗ್ಗೆ ಸ್ಪಷ್ಟತೆ ಇಲ್ಲ. ಬೆಂಗಳೂರಿನಲ್ಲಿ ಮೆಟ್ರೊ ಸುರಂಗ ಮಾರ್ಗ ಕೊರೆಯುವ ಸಂದರ್ಭದಲ್ಲಿ ಉಂಟಾಗಿರುವ ವಿಳಂಬದಿಂದ ಪಾಠ ಕಲಿತು, ಸುರಂಗ ರಸ್ತೆ ಯೋಜನೆ ರೂಪಿಸುವ ಸಂದರ್ಭದಲ್ಲೇ ಬಗ್ಗೆ ಹೆಚ್ಚು ನಿಖರತೆ ಇರಬೇಕಾಗಿತ್ತು. ಅದನ್ನು ಮಾಡದ್ದರಿಂದ ವೆಚ್ಚವೂ ಶೇ 10ರಿಂದ ಶೇ 15ರಷ್ಟು ಹೆಚ್ಚಾಗಲಿದೆ ಎಂದು ಸಮಿತಿ ತಿಳಿಸಿದೆ.
ಲೋಪಗಳು: ಮೆಟ್ರೊ ಮಾರ್ಗಕ್ಕೆ ಪರ್ಯಾಯವಾಗಿರುವ ಸುರಂಗ ರಸ್ತೆಯ ಸಂಚಾರ ದಟ್ಟಣೆ ವೇಳೆ ಹೇಗಿರುತ್ತದೆ ಎಂಬ ದತ್ತಾಂಶ ಇಲ್ಲ. ಸುರಂಗ ರಸ್ತೆ ಪ್ರವೇಶ ಮತ್ತು ನಿರ್ಗಮನ ರ್ಯಾಂಪ್ಗಳ ಸ್ಥಳವನ್ನು ಇನ್ನಷ್ಟು ವಿಸ್ತರಿಸದಿದ್ದರೆ ವಾಹನ ದಟ್ಟಣೆ ಉಂಟಾಗುತ್ತದೆ. ಹೆಬ್ಬಾಳ ಕೆರೆಯ ಕಾಲುವೆಯ ಮಾರ್ಗ ಬದಲಾಯಿಸುವುದರಿಂದ ವಿಮಾನ ನಿಲ್ದಾಣದ ರಸ್ತೆಯಲ್ಲಿ ಅಡಚಣೆ ಉಂಟಾಗುತ್ತದೆ. ಅಂತರ್ಜಲ ಸೇರಿದಂತೆ ಪರಿಸರದ ಮೇಲಾಗುವ ಪರಿಣಾಮದ ಮಾಹಿತಿ ಲಭ್ಯವಿಲ್ಲ. ಭೂಸ್ವಾಧೀನ, ಸೌಲಭ್ಯ ವರ್ಗಾವಣೆ, ಉಪಕರಣ, ಶುಲ್ಕ ಸಂಗ್ರಹ ವ್ಯವಸ್ಥೆ ಇತ್ಯಾದಿಗೆ ಒಟ್ಟಾರೆ ತಗಲುವ ವೆಚ್ಚವನ್ನು ಅಂದಾಜಿಸಿ, ಒದಗಿಸುವುದು ಸಾಮಾನ್ಯ ಪ್ರಕ್ರಿಯೆಗೆ ವಿರುದ್ಧವಾಗಿದೆ. ಸುರಂಗ ರಸ್ತೆಯಲ್ಲಿ ಮುಂದಿನ 25 ವರ್ಷಗಳಲ್ಲಿನ ಸಂಚಾರದ ದೂರದೃಷ್ಟಿ ಇಟ್ಟುಕೊಂಡು ಪಥಗಳ ಸಂಖ್ಯೆಯನ್ನು ನಿರ್ಧರಿಸಬೇಕು ಎಂಬುದು ತಜ್ಞರ ಸಮಿತಿ ವರದಿಯಲ್ಲಿದೆ.
- 16.69 ಕಿ.ಮೀ; ಹೆಬ್ಬಾಳ ಜಂಕ್ಷನ್ನಿಂದ ಸಿಲ್ಕ್ಬೋರ್ಡ್ವರೆಗೆ ಸುರಂಗ ರಸ್ತೆ (ಉತ್ತರ– ದಕ್ಷಿಣ ಕಾರಿಡಾರ್)
- ₹17,780 ಕೋಟಿ; ಸುರಂಗ ರಸ್ತೆ ನಿರ್ಮಾಣದ ಅಂದಾಜು ವೆಚ್ಚ
- 3 ಪಥ; ಸುರಂಗ ರಸ್ತೆಯಲ್ಲಿರುವ ಮಾರ್ಗ
- ಮಾರ್ಗ: ಹೆಬ್ಬಾಳ ಕೆರೆಯ ಮುಂಭಾಗ ವಾಹನಗಳ ಪ್ರವೇಶ ಹಾಗೂ ನಿರ್ಗಮನಕ್ಕೆ ಅವಕಾಶವಿರುತ್ತದೆ. ಹೆಬ್ಬಾಳ ಪಶುವೈದ್ಯ ಆಸ್ಪತ್ರೆ ಬಳಿ ವಾಹನಗಳ ನಿರ್ಗಮನ ಮತ್ತು ಪ್ರವೇಶಕ್ಕಾಗಿ ‘ಪಾಯಿಂಟ್’ ನಿರ್ಮಿಸಲಾಗುತ್ತದೆ. ಮೇಖ್ರಿ ವೃತ್ತದ ಅರಮನೆ ಮೈದಾನ, ಗಾಲ್ಫ್ ಮೈದಾನ ಮತ್ತು ಮಹಾರಾಣಿ ಕಾಲೇಜು, ಲಾಲ್ಬಾಗ್ ಬಳಿಯಲ್ಲಿ (ಅಶೋಕ ಪಿಲ್ಲರ್) ‘ಪಾಯಿಂಟ್’. ಸರ್ಜಾಪುರ ರಸ್ತೆ ಹಾಗೂ ಹೊರ ವರ್ತುಲ ರಸ್ತೆ ಕಡೆಯಲ್ಲೂ ಪ್ರವೇಶ, ನಿರ್ಗಮನ.
-
- 28.181 ಕಿ.ಮೀ; ಕೆ.ಆರ್.ಪುರದಿಂದ ನಾಯಂಡಹಳ್ಳಿವರೆಗಿನ ಸುರಂಗ ರಸ್ತೆ (ಪೂರ್ವ– ಪಶ್ಚಿಮ ಕಾರಿಡಾರ್) (ಟ್ವಿನ್ ಟ್ಯೂಬ್ ಟನಲ್)
- ₹25,022 ಕೋಟಿ; ಸುರಂಗ ರಸ್ತೆ ನಿರ್ಮಾಣದ ಅಂದಾಜು ವೆಚ್ಚ
- 6 ಪಥ; ಸುರಂಗ ರಸ್ತೆಯಲ್ಲಿರುವ ಮಾರ್ಗ
- ಮಾರ್ಗ: ಕೆ.ಆರ್. ಪುರದಿಂದ ಜವಾಹರಲಾಲ್ ನೆಹರೂ ಉದ್ಯಾನ, ಸಿ.ವಿ. ರಾಮನ್ ಆಸ್ಪತ್ರೆ, ಇಂದಿರಾನಗರ, ದೊಮ್ಮಲೂರು, ಲಾಲ್ಬಾಗ್, ನ್ಯಾಷನಲ್ ಕಾಲೇಜ್, ಚಾಮರಾಜಪೇಟೆ, ಕಾರ್ಯಸಿದ್ಧಿ ಆಂಜನೇಯ ದೇವಸ್ಥಾನದ ಮೂಲಕ ನಾಯಂಡಹಳ್ಳಿ ಬಳಿಯ ನೈಸ್ ರಸ್ತೆ ಜಂಕ್ಷನ್
₹27 ಸಾವಿರ ಕೋಟಿ ಸಾಲ
* ಉತ್ತರ–ದಕ್ಷಿಣ, ಪೂರ್ವ–ಪಶ್ಚಿಮ ಎಂಬ ಎರಡು ಕಾರಿಡಾರ್ಗಳಲ್ಲಿ 33.490 ಕಿ.ಮೀ ಉದ್ದದ ಸುರಂಗ ರಸ್ತೆ ನಿರ್ಮಿಸಲು, ಶೇ 10ರಷ್ಟಿಂದ 15ರಷ್ಟು ಹೆಚ್ಚಾಗಬಹುದೆಂಬ ನಿರೀಕ್ಷೆಗೆ ಹೊರತಾಗಿ ₹40 ಸಾವಿರ ಕೋಟಿ ಅಂದಾಜು ವೆಚ್ಚಕ್ಕೆ ರಾಜ್ಯ ಸಚಿವ ಸಂಪುಟ ಜೂನ್ 9ರಂದು ಆಡಳಿತಾತ್ಮಕ ಅನುಮೋದನೆ ನೀಡಿದೆ.
* ಹುಡ್ಕೊ ಸಂಸ್ಥೆಯಿಂದ ವಾರ್ಷಿಕ ಶೇ 8.95ರಷ್ಟು ಬಡ್ಡಿದರಲ್ಲಿ ₹27 ಸಾವಿರ ಕೋಟಿ ಸಾಲ ಪಡೆಯಲೂ ಅನುಮತಿ ನೀಡಲಾಗಿದ್ದು, ₹19 ಸಾವಿರ ಕೋಟಿ ಸಾಲಕ್ಕೆ ಸರ್ಕಾರ ಗ್ಯಾರಂಟಿಯನ್ನೂ ನೀಡಿದೆ.
*2030ರ ವೇಳೆಗೆ ನಿರ್ಮಾಣವಾಗಲಿರುವ ಸುರಂಗ ರಸ್ತೆಯಿಂದಾಗಿ ಹೆಬ್ಬಾಳ– ಸಿಲ್ಕ್ಬೋರ್ಡ್ ನಡುವಿನ ಸಂಚಾರ ಸಮಯ ಅರ್ಧದಷ್ಟು ಕಡಿಮೆಯಾಗಲಿದೆ. ಈ ರಸ್ತೆಯಲ್ಲಿ ಸಂಚರಿಸಬೇಕಾದರೆ ಪ್ರತಿ ಕಿ.ಮೀಗೆ ₹19 ಪಾವತಿಸಬೇಕಾಗುತ್ತದೆ.
* ಸುರಂಗ ರಸ್ತೆ ಬೂಟ್ (ಅಭಿವೃದ್ಧಿ, ಕಾರ್ಯಾಚರಣೆ, ವರ್ಗಾವಣೆ) ಆಧಾರದಲ್ಲಿ ನಿರ್ಮಾಣವಾಗಲಿದೆ. ಸುರಂಗ ರಸ್ತೆಯಲ್ಲಿ ಪೂರ್ಣವಾಗಿ ಒಂದು ಬಾರಿ ಸಂಚರಿಸಲು ಸುಮಾರು ₹317 ಶುಲ್ಕ ಪಾವತಿಸಬೇಕಾಗುತ್ತದೆ.
ಲಾಲ್ಬಾಗ್, ಸ್ಯಾಂಕಿ, ಹೆಬ್ಬಾಳ ಕೆರೆಗೆ ಧಕ್ಕೆ
ಸುರಂಗ ರಸ್ತೆ ನಿರ್ಮಾಣ ಯೋಜನೆ ರೂಪಿಸುವ ಸಂದರ್ಭದಲ್ಲಿ ಪರಿಸರದ ಮೇಲಾಗುವ ಪರಿಣಾಮದ ಅಧ್ಯಯನ (ಇಐಎ) ಆಗಿಲ್ಲ. ಲಾಲ್ಬಾಗ್ ಉದ್ಯಾನ, ಸ್ಯಾಂಕಿ ಕೆರೆ, ಹೆಬ್ಬಾಳ ಕೆರೆಯ ಮೂಲ ಸೇರಿದಂತೆ ಜೀವವೈವಿಧ್ಯಕ್ಕೆ ಸುರಂಗ ಕೊರೆತದಿಂದ ಧಕ್ಕೆಯಾಗಲಿದೆ. ಭೂಗರ್ಭವನ್ನು ಕೊರೆಯುವುದರಿಂದ ಅಂತರ್ಜಲ ಹಾಗೂ ಕೊಳವೆಬಾವಿಗಳಿಗೆ ಕಂಟಕವಾಗಲಿವೆ.
ನಗರದ ವಾತಾವರಣಕ್ಕೆ ಹಸಿರ ಹಾಸು ಹೊಂದಿರುವ ಲಾಲ್ಬಾಗ್ ಕೆಳಗೆ ಹತ್ತು ಸುರಂಗ ರಸ್ತೆಗಳು ಹಾದುಹೋಗುವ ಜೊತೆಗೆ, ಲಾಲ್ಬಾಗ್ನೊಳಗಿನ ಎಂಟು ಎಕರೆ ಪ್ರದೇಶದಲ್ಲಿ ವಾಣಿಜ್ಯ ಸಂಕೀರ್ಣ, ಬಸ್–ಟ್ಯಾಕ್ಸಿ ನಿಲ್ದಾಣ ಹಾಗೂ ಹೈಟೆಕ್ ಮಾಲ್ಗಳ ನಿರ್ಮಾಣಕ್ಕೆ ಎಂಟು ಎಕರೆ ಭೂಮಿಯನ್ನು ಬಳಸಿಕೊಳ್ಳಲು ಡಿಪಿಆರ್ನಲ್ಲಿ ಉಲ್ಲೇಖಿಸಿರುವುದಕ್ಕೆ ಪರಿಸರ ಕಾರ್ಯಕರ್ತರಿಂದ ತೀವ್ರ ವಿರೋಧ ವ್ಯಕ್ತವಾಗಿದೆ.
ಲಾಲ್ಬಾಗ್ ಸಿದ್ದಾಪುರ ಮುಖ್ಯರಸ್ತೆಯಲ್ಲಿ ಲಾಲ್ಬಾಗ್ ದಕ್ಷಿಣ ಗೇಟ್ (ಸಿದ್ದಾಪುರ ಗೇಟ್) ಪ್ರವೇಶದ್ವಾರ ಸೇರಿದಂತೆ ಸುತ್ತಮುತ್ತಲಿನ ಪ್ರದೇಶದಲ್ಲಿ ಸುರಂಗ ಮಾರ್ಗದ ಪ್ರವೇಶ ಹಾಗೂ ನಿರ್ಗಮನವಿರಲಿದ್ದು, ಹಲವು ಸೌಲಭ್ಯಗಳನ್ನು ಒಳಗೊಂಡ ಐದು ಅಂತಸ್ತಿನ ವಾಣಿಜ್ಯ ಸಂಕೀರ್ಣವೂ ಇಲ್ಲಿ ನಿರ್ಮಾಣವಾಗಲಿದೆ. ಕಸಬಾ ಹೋಬಳಿಯ ಲಾಲ್ಬಾಗ್, ಅಣ್ಣಿಪುರ, ಅರೆಕೆಂಪನಹಳ್ಳಿ, ಸಿದ್ದಾಪುರ ಗ್ರಾಮಗಳು ಬರುವ ವಿಶ್ವೇಶ್ವರ ಪುರ ವಾರ್ಡ್ನಲ್ಲಿ 2.56 ಲಕ್ಷಕ್ಕೂ ಹೆಚ್ಚು ಚದರಡಿ (ಸುಮಾರು 6 ಎಕರೆ) ಭೂಮಿಯನ್ನು ಸ್ವಾಧೀನಪಡಿಸಿಕೊಳ್ಳಲು ಡಿಪಿಆರ್ನಲ್ಲಿ ಅಲೈನ್ಮೆಂಟ್ ಅನ್ನು ಗುರುತಿಸಲಾಗಿದೆ.
ಅಂತಿಮ ಡಿಪಿಆರ್ನಲ್ಲಿ ಇಲ್ಲದ ಹೊಸ ನಿರ್ಗಮನ ಪಥ ಸ್ಯಾಂಕಿ ಕೆರೆಯ ಸಮೀಪ ತೆರೆದುಕೊಳ್ಳುವುದರಿಂದ ಈಗಾಗಲೇ ಒತ್ತುವರಿಯಿಂದ ಬಳಲುತ್ತಿರುವ ಕೆರೆಗೆ ಕಂಟಕ ಎದುರಾಗಿದೆ. ಮೇಖ್ರಿ ವೃತ್ತದಿಂದ ಸಿ.ವಿ. ರಾಮನ್ ರಸ್ತೆ ಕಡೆಯಲ್ಲಿ ನಿರ್ಮಿಸಲು ಉದ್ದೇಶಿಸಲಾಗಿದ್ದ, ನಿರ್ಗಮನ ರ್ಯಾಂಪ್ ರದ್ದುಗೊಳಿಸಿ, ಗಾಲ್ಫ್ ಮೈದಾನ ಕೆಳಭಾಗದಿಂದ ಸ್ಯಾಂಕಿ ಕೆರೆಯವರೆಗೆ ಹೊಸದಾಗಿ ನಿರ್ಗಮನ ರ್ಯಾಂಪ್ ನಿರ್ಮಿಸಲು ಡಿಪಿಆರ್ ಮಾಡಿಕೊಟ್ಟಿದ್ದ ರೊಡಿಕ್ ಕನ್ಸಲ್ಟೆಂಟ್ಸ್ನಿಂದ ಬಿ–ಸ್ಮೈಲ್ ತಾಂತ್ರಿಕ ನಿರ್ದೇಶಕರಿಗೆ ಅ.9ರಂದು ‘ಬದಲಾದ ಅಲೈನ್ಮೆಂಟ್ ಅನುಬಂಧ’ಗಳೊಂದಿಗೆ ವರದಿ ಸಲ್ಲಿಸಲಾಗಿದೆ. ಇದಲ್ಲದೆ, ಹೆಬ್ಬಾಳ – ಎಸ್ಟೀಮ್ ಮಾಲ್ ಜಂಕ್ಷನ್ನಲ್ಲಿ ಸುರಂಗ ರಸ್ತೆಯ ಪ್ರವೇಶ– ನಿರ್ಗಮನ ಟ್ಯೂಬ್ಗಳಿರಲಿವೆ. ಅಂತಿಮ ವಿಸ್ತೃತ ಯೋಜನಾ ವರದಿಯಲ್ಲಿರುವ (ಡಿಪಿಆರ್) ಈ ಜಂಕ್ಷನ್ನಲ್ಲಿ ಶಾಫ್ಟ್ ನಿರ್ಮಾಣ ಪ್ರದೇಶದಲ್ಲಿ ಹೆಚ್ಚು ಸ್ಥಳವನ್ನು ಪಡೆದುಕೊಳ್ಳಲು ಉದ್ದೇಶಿಸಿರುವುದರಿಂದ ಹೆಬ್ಬಾಳ ಕೆರೆ ಅಂಗಳ ಹಾಗೂ ರಾಜಕಾಲುವೆ ಮಾರ್ಗವನ್ನು ಬದಲಿಸಲಾಗುತ್ತಿದೆ. ಇದಕ್ಕೆ ಹೆಚ್ಚಿನ ಆಕ್ಷೇಪ ವ್ಯಕ್ತವಾಗಿದೆ.
ಹೆಬ್ಬಾಳ ಕೆರೆ ಹಾಗೂ ಸ್ಯಾಂಕಿ ಕೆರೆಯ ಬಫರ್ ವಲಯದಲ್ಲಿ ಟನಲ್ ರ್ಯಾಂಪ್ಗಳು ನಿರ್ಮಿಸಲು ಯೋಜಿಸಲಾಗಿದೆ. ಆದರೆ, ಕರ್ನಾಟಕ ಕೆರೆ ಸಂರಕ್ಷಣೆ ಮತ್ತು ಅಭಿವೃದ್ಧಿ ಪ್ರಾಧಿಕಾರದಿಂದ (ಕೆಟಿಸಿಡಿಎ) ಬಿಬಿಎಂಪಿ, ಜಿಬಿಎ, ಬಿ–ಸ್ಮೈಲ್ ಅಥವಾ ಡಿಪಿಆರ್ ತಯಾರಿಸಿದ ಸಂಸ್ಥೆ ಅನುಮತಿಯನ್ನು ಪಡೆದಿಲ್ಲದಿರುವುದು ಪ್ರಮುಖ ಲೋಪವೆಂದೇ ಪರಿಗಣಿಸಲಾಗಿದೆ.
ಅಂತರ್ಜಲ, ಕೊಳವೆಬಾವಿಗೆ ಕಂಟಕ
ಸುರಂಗ ರಸ್ತೆ ಹಾದುಹೋಗುವ ಮಾರ್ಗದಲ್ಲಿ ಅಂತರ್ಜಲ, ಜಲಮೂಲ ಹಾಗೂ ಕೊಳವೆಬಾವಿಗಳಿಗೆ ಸಮಸ್ಯೆಯಾಗಲಿದ್ದು, ಇದಕ್ಕೆ ಯಾವುದೇ ರೀತಿಯ ಪರಿಹಾರ ಕ್ರಮಗಳನ್ನು ವಿಸ್ತೃತ ಯೋಜನಾ ವರದಿ (ಡಿಪಿಆರ್) ಸೂಚಿಸಿಲ್ಲ. ‘ಅಂತರ್ಜಲ, ಜಲಮೂಲಗಳನ್ನು ಯಾವುದೇ ವರದಿಯಲ್ಲೂ ಪರಿಗಣಿಸಿಲ್ಲ. ಇದು ಸುರಂಗ ರಸ್ತೆಗೆ ಅತ್ಯಧಿಕ ಅಪಾಯವಾದದ್ದು. ಜಲಮೂಲಗಳನ್ನು ಗುರುತಿಸಲು ‘ಎಲೆಕ್ಟ್ರಿಕಲ್ ರೆಸಿಸ್ಟಿವಿಟಿ ಟೊಮೊಗ್ರಫಿ’ಯನ್ನು (ಇಆರ್ಟಿ) ಏಕೆ ಬಳಿಸಿಲ್ಲ’ ಎಂದು ರಾಜ್ಯ ಸರ್ಕಾರ ರಚಿಸಿರುವ ‘ತಜ್ಞರ ಸಮಿತಿ’ಯ ಪ್ರಶ್ನೆಗೆ ಡಿಪಿಆರ್ ತಯಾರಿಸುವವರಲ್ಲಿ ಉತ್ತರವಿಲ್ಲ.
‘ನಮ್ಮ ಮೆಟ್ರೊ’ ಸುರಂಗ ಮಾರ್ಗದಲ್ಲೂ ಸಂಚರಿಸುತ್ತದೆ. ಮೆಟ್ರೊ ಸುರಂಗ ಮಾರ್ಗವನ್ನು ರಸ್ತೆಯ ಕೆಳಭಾಗದಲ್ಲಿ ಮಾತ್ರ ಕೊರೆಯಲಾಗಿದೆ. ಆದರೆ, ಹೆಬ್ಬಾಳ ಜಂಕ್ಷನ್ನಿಂದ ಸಿಲ್ಕ್ಬೋರ್ಡ್ಗೆ ಸಂಪರ್ಕ ಕಲ್ಪಿಸುವ ಸುರಂಗ ರಸ್ತೆ, ವಸತಿ, ವಾಣಿಜ್ಯ ಕಟ್ಟಡಗಳು, ಸಾಂಸ್ಥಿಕ ವಲಯಗಳು, ಸರ್ಕಾರದ ಪ್ರಮುಖ ಕಟ್ಟಡಗಳ ಕೆಳಭಾಗದಲ್ಲಿ ಸಾಗಲಿದೆ. ಇದರಿಂದ, ಮನೆ ಅಥವಾ ವಾಣಿಜ್ಯ ಕಟ್ಟಡಗಳಲ್ಲಿರುವ ಕೊಳವೆ ಬಾವಿಗಳಿಗೆ ಧಕ್ಕೆಯಾಗುವ ಸಾಧ್ಯತೆ ಇದೆ. ನಗರದ ಕೇಂದ್ರ ಭಾಗವೂ ಸೇರಿದಂತೆ ಬಹುತೇಕ ಭಾಗಗಳಲ್ಲಿ ಕೊಳವೆಬಾವಿಗಾಗಿ ನೂರಾರು ಅಡಿ ಆಳ ಕೊರೆಯಲಾಗಿದೆ. ಸುರಂಗ ರಸ್ತೆ 50 ಅಡಿಯಿಂದ 100 ಅಡಿ ಆಳದಲ್ಲಿ ಬರುವುದರಿಂದ ಕೊಳವೆಬಾವಿಗಳಿಗೆ ಸಮಸ್ಯೆ ಆಗುತ್ತದೆ. ಜೊತೆಗೆ ಬೃಹತ್ ಕಟ್ಟಡಗಳ ‘ಫೌಂಡೇಷನ್’ಗೆ ಧಕ್ಕೆಯಾಗುವ ಬಗ್ಗೆಯೂ ನಾಗರಿಕರು– ತಜ್ಞರು ಆತಂಕ ವ್ಯಕ್ತಪಡಿಸಿದ್ದಾರೆ.
‘ಯಾವುದೇ ಅನುಮೋದನೆ ಪಡೆದಿಲ್ಲ’: ಕಾತ್ಯಾಯಿನಿ
ಸುರಂಗ ರಸ್ತೆ ಯೋಜನೆಗೆ ಮಹಾನಗರ ಯೋಜನಾ ಸಮಿತಿ, ಬಿಎಂಎಲ್ಟಿಎ ಅಥವಾ ಪರಿಸರ ಇಲಾಖೆಯಿಂದ ಯಾವುದೇ ಅನುಮೋದನೆ ಪಡೆದಿಲ್ಲ. ಸಮಗ್ರ ಸಂಚಾರ ಯೋಜನೆಯಲ್ಲಿ (ಸಿಎಂಪಿ) ಇದು ಇಲ್ಲ. ನಗರ ಭೂಸಾರಿಗೆ ನಿರ್ದೇಶನಾಲಯ (ಡಿಯುಎಲ್ಟಿ) ‘ಈ ಯೋಜನೆಯು ಅಪೇಕ್ಷಣೀಯವಲ್ಲ’ ಎಂದು ಹೇಳಿದೆ. ಸುರಂಗ ರಸ್ತೆ ಸಂಪೂರ್ಣವಾಗಿ ತಾತ್ಕಾಲಿಕ ಯೋಜನೆಯಾಗಿದ್ದು, ಇದು ಕಾನೂನಿನ ಎಲ್ಲಾ ಸೂಕ್ತ ಪ್ರಕ್ರಿಯೆಗಳಿಂದ ಹೊರತಾಗಿದೆ. ಎಷ್ಟು ಜನರು ಸುರಂಗ ರಸ್ತೆಯನ್ನು ಬಳಸುವ ಸಾಧ್ಯತೆಯಿದೆ ಎಂದು ಅಂದಾಜು ಮಾಡಲು ಯಾವುದೇ ಅಧ್ಯಯನವನ್ನೂ ಮಾಡಲಾಗಿಲ್ಲ. ಡಿಪಿಆರ್ನಲ್ಲಿ ಸುರಂಗ ರಸ್ತೆ ‘ಕಾರುಗಳಿಗೆ ಮಾತ್ರ’ ಎಂದು ಹೇಳಲಾಗಿದೆ. ಪ್ರಸ್ತುತ ನಗರದಲ್ಲಿ ಕೇವಲ 25 ಲಕ್ಷ ಕಾರುಗಳಿವೆ. ಅವರಲ್ಲಿ ಎಷ್ಟು ಮಂದಿ 16 ಕಿ.ಮೀ. ಪ್ರಯಾಣಿಸಲು ಪ್ರತಿದಿನ ಸುಮಾರು ₹600 ಪಾವತಿಸಲು ಶಕ್ತರು? ಅವರು ಈ ಮಾರ್ಗವನ್ನು ನಿಯಮಿತವಾಗಿ ಬಳಸುತ್ತಿದ್ದರೆ ತಿಂಗಳಿಗೆ ₹18 ಸಾವಿರ ಬೇಕಾಗುತ್ತದೆ. ಎಷ್ಟು ಜನ ಇಷ್ಟು ಮೊತ್ತವನ್ನು ಪಾವತಿಸಲು ಸಾಧ್ಯ. ಈ ಸುರಂಗ ರಸ್ತೆಯಿಂದ ಸಂಚಾರ ದಟ್ಟಣೆ ಕಡಿಮೆಯಾಗುವುದಿಲ್ಲ’ ಎಂದು ಸಿವಿಕ್– ಬೆಂಗಳೂರು ಸಂಸ್ಥೆಯ ಕಾರ್ಯಕಾರಿ ಟ್ರಸ್ಟಿ ಕಾತ್ಯಾಯಿನಿ ಚಾಮರಾಜ್ ಹೇಳಿದರು.
ಮಂಕುಬೂದಿ ಎರಚುವ ಯೋಜನೆ: ಶ್ರೀಹರಿ
ಸುರಂಗ ರಸ್ತೆಯನ್ನು ಒಂದು ಸೀಮಿತ ಮಾರ್ಗದಲ್ಲಿ ನಿರ್ಮಾಣ ಮಾಡುವುದರಿಂದ ನಗರ ಎಲ್ಲ ಭಾಗದಲ್ಲೂ ಸಂಚಾರ ದಟ್ಟಣೆ ಕಡಿಮೆಯಾಗುವುದಿಲ್ಲ. ಇದು ಅತ್ಯಂತ ದುಬಾರಿ ಯೋಜನೆ. ಸಾಲ ಮಾಡಿ ಸುರಂಗ ನಿರ್ಮಿಸಿ, ಶುಲ್ಕ ವಿಧಿಸುವುದರಿಂದ ಯಾರಿಗೆ ಉಪಯೋಗ? ಯಾರೋ ಕೆಲವರಿಗೆ ಅನುಕೂಲ ಮಾಡಿಕೊಡಲು ಜನಸಾಮಾನ್ಯರ ತೆರಿಗೆ ಹಣ ಬಳಸಿಕೊಳ್ಳುವುದು ಯಾವ ನ್ಯಾಯ? ಸುರಂಗ ರಸ್ತೆಯ ನಿರ್ಗಮನ ಮತ್ತು ಪ್ರವೇಶದಲ್ಲಿ ಮತ್ತೆ ಸಂಚಾರ ದಟ್ಟಣೆ ಇನ್ನಷ್ಟು ಹೆಚ್ಚೇ ಆಗುತ್ತದೆ. ಬೆಂಗಳೂರಿನ ಭೂಗರ್ಭದಲ್ಲಿ ಅತ್ಯಂತ ಗಟ್ಟಿಮುಟ್ಟಾದ ಬಂಡೆಗಳಿವೆ. ಇಂತಹ ‘ಹಾರ್ಡ್ ರಾಕ್’ ಕೊರೆಯಲು ಬಿಲ್ ಹೆಚ್ಚು ಮಾಡಿಕೊಳ್ಳುತ್ತಾರೆ. ಇದರಿಂದ ಸಮಸ್ಯೆಗಳೇ ಹೆಚ್ಚು. ನಗರ ತಜ್ಞನಾಗಿ ನಾನು ಸರ್ಕಾರಗಳ ಮಟ್ಟದಲ್ಲಿ ಹಲವು ಯೋಜನೆಗಳಿಗೆ ಸಲಹೆಗಳನ್ನೂ ನೀಡಿದ್ದೇನೆ. ಈ ಸುರಂಗ ರಸ್ತೆ ಜನರಿಗೆ ಮಂಕುಬೂದಿ ಎರಚುವ ಯೋಜನೆಯಷ್ಟೇ. ಈ ಯೋಜನೆಗೆ ಸಾವಿರಾರು ಕೋಟಿ ವೆಚ್ಚ ಮಾಡುವ ಬದಲು, ಈಗಿರುವ ರಸ್ತೆಗಳಲ್ಲಿ ಗುಂಡಿ ಇಲ್ಲದೆ, ಯಾವುದೇ ಅಡೆತಡೆಗಳಿಲ್ಲದೆ ಅತ್ಯಂತ ಸುಸ್ಥಿತಿಯಲ್ಲಿಟ್ಟುಕೊಂಡರೆ ಸಂಚಾರ ದಟ್ಟಣೆ ಬಹುತೇಕ ನಿವಾರಣೆಯಾಗಲಿದೆ ಎಂದು ಸಂಚಾರ ತಜ್ಞ ಪ್ರೊ. ಎಂ.ಎನ್. ಶ್ರೀಹರಿ ಅಭಿಪ್ರಾಯಪಟ್ಟರು.
ಕದ್ದುಮುಚ್ಚಿ ಯೋಜನೆ: ದೇವರೆ
‘ಸುರಂಗ ರಸ್ತೆಯಿಂದ ಸಂಚಾರ ದಟ್ಟಣೆಯನ್ನು ಕಡಿಮೆ ಮಾಡುತ್ತೇವೆ ಎಂದು ಹೇಳುವವರು ಯಾವ ರೀತಿ ಪರಿಹಾರ ಸಿಗಲಿದೆ ಎಂಬುದನ್ನು ಯಾರಿಗೂ ತಿಳಿಸಿಲ್ಲ. ಬೃಹತ್ ಯೋಜನೆಗಳನ್ನು ಅನುಷ್ಠಾನಗೊಳಿಸುವ ಮುನ್ನ ನಾಗರಿಕರು, ತಜ್ಞರೊಂದಿಗೆ ಸಮಾಲೋಚನೆ ನಡೆಸಿ, ಪರಿಸರ ಹಾಗೂ ನಾಗರಿಕರ ಆಸ್ತಿ ಮೇಲಾಗುವ ಪರಿಣಾಮವನ್ನು ಹೇಗೆ ನಿಭಾಯಿಸಲಾಗುತ್ತದೆ ಎಂಬುದನ್ನೂ ಹೇಳಿಲ್ಲ. ಸುರಂಗ ರಸ್ತೆ ಯೋಜನೆ ಬಗ್ಗೆ ನಾಗರಿಕರಿಗೆ ಮಾಹಿತಿ ನೀಡದೆ, ಎಲ್ಲವನ್ನೂ ಕದ್ದುಮುಚ್ಚಿ ಮಾಡಲಾಗುತ್ತಿದೆ. ಸುರಂಗ ರಸ್ತೆ ಲಾಲ್ಬಾಗ್ಗೆ ಧಕ್ಕೆಯನ್ನುಂಟು ಮಾಡಲಿದ್ದು, ವೈಜ್ಞಾನಿಕವಾಗಿ ಅಧ್ಯಯನ ಮಾಡದೆ ಯೋಜನೆಯನ್ನು ರೂಪಿಸಲಾಗಿದೆ. ಇದರಿಂದ, ಲಾಲ್ಬಾಗ್ನಲ್ಲಿ ರುವ ಜೀವವೈವಿಧ್ಯದ ಜೊತೆಗೆ ಜಲಮೂಲ, ಬೃಹತ್ ಬಂಡೆಗಳಿಗೆ ಧಕ್ಕೆಯಾಗುತ್ತದೆ. ರಾಜ್ಯ ಸರ್ಕಾರ ಈ ಯೋಜನೆಯನ್ನೇ ಕೈಬಿಡುವುದು ಉತ್ತಮ. ಸುರಂಗ ರಸ್ತೆಯಿಂದ ಲಾಲ್ಬಾಗ್, ಸ್ಯಾಂಕಿ ಕೆರೆ, ಹೆಬ್ಬಾಳ ಕೆರೆಗಷ್ಟೇ ತೊಂದರೆಯಾಗುವುದಿಲ್ಲ. ನಗರದ ಎಲ್ಲ ಭಾಗಗಳಲ್ಲೂ ಈ ಸುರಂಗ ರಸ್ತೆ ಯೋಜನೆಯಿಂದ ತೊಂದರೆ ಹೆಚ್ಚಾಗಲಿದೆ’ ಎಂದು ಪರಿಸರ ಕಾರ್ಯಕರ್ತ ಡಿ.ಟಿ. ದೇವರೆ ಹೇಳಿದರು.
ಹಸಿರುನಾಶದ ಅಭಿವೃದ್ಧಿ ಬೇಡ: ವಿಜಯ್ ನಿಶಾಂತ್
‘ಸುರಂಗ ರಸ್ತೆಯನ್ನು ಮೊದಲ ಬಾರಿಗೆ ನಗರದಲ್ಲಿ ನಿರ್ಮಿಸಲು ಉದ್ದೇಶಿಸಲಾಗಿದೆ. ಆದರೆ ಈ ಯೋಜನೆ ಬಗ್ಗೆ ಯಾರೂ ಸವಿವರವಾದ ಮಾಹಿತಿಯನ್ನು ಸಾರ್ವಜನಿಕವಾಗಿ ನೀಡಿಲ್ಲ. ಒಬ್ಬೊಬ್ಬರು ಒಂದೊಂದು ರೀತಿ ಹೇಳುತ್ತಿದ್ದಾರೆ. ನಾಗರಿಕರಿಗೆ ಮಾಹಿತಿ ನೀಡದೆ ಮುಚ್ಚಿಸುವಂತಹದ್ದು ಏನಿದೆ ಎಂಬುದೇ ಹಲವಾರು ಗೊಂದಲಕ್ಕೆ ಕಾರಣವಾಗಿದೆ. ಇನ್ನು, ಲಾಲ್ಬಾಗ್ನಲ್ಲಿ ಸಾವಿರಾರು ವರ್ಷಗಳ ಇತಿಹಾಸ ಹೊಂದಿರುವ ಬಂಡೆ ಬಗ್ಗೆ ಹಲವು ರೀತಿಯ ವ್ಯಾಖ್ಯಾನಗಳಿವೆ. ಇದಕ್ಕೆ ಹೊಂದಿಕೊಂಡಂತೆಯೇ ಮೂರ್ನಾಲ್ಕು ಜಲಮೂಲಗಳಿವೆ. ಸುರಂಗ ರಸ್ತೆ ಇವುಗಳ ಕೆಳಗೆ ನಿರ್ಮಾಣವಾಗುವುದರಿಂದ ತೊಂದರೆಯಾಗುವುದು ನಿಶ್ಚಿತ. ಇನ್ನು ಮೇಲ್ಭಾಗದಲ್ಲಿ ಕೆಲವು ಎಕರೆಯ ಲಾಲ್ಬಾಗ್ ಪ್ರದೇಶದಲ್ಲಿ ‘ಶಾಫ್ಟ್’ ನಿರ್ಮಾಣವಾದರೆ ವಾಹನ ದಟ್ಟಣೆಯ ಜೊತೆಗೆ ಜನದಟ್ಟಣೆಯೂ ಉಂಟಾಗುತ್ತದೆ. ಲಾಲ್ಬಾಗ್ನ ಹಸಿರನ್ನು ನಾಶ ಮಾಡುವ ಇಂತಹ ಅಭಿವೃದ್ಧಿ ಕಾರ್ಯ ನಮಗೆ ಬೇಕಿಲ್ಲ’ ಎಂದು ಪರಿಸರ ಕಾರ್ಯಕರ್ತ ವಿಜಯ್ ನಿಶಾಂತ್ ಅಭಿಪ್ರಾಯಪಟ್ಟರು.
=
ಸುರಂಗ ರಸ್ತೆಗೆ ಪರ್ಯಾಯ ಇಲ್ಲ; ರಾಜಕೀಯಕ್ಕಾಗಿ ವಿರೋಧ ಸರಿ ಅಲ್ಲ: ಡಿ.ಕೆ. ಶಿವಕುಮಾರ್
‘ಬೆಂಗಳೂರಿನ ಸಂಚಾರ ದಟ್ಟಣೆಗೆ ಸುರಂಗ ರಸ್ತೆಗಿಂತ ಪರ್ಯಾಯ ಯೋಜನೆ ಇಲ್ಲ. ನಗರ ಸಾಕಷ್ಟು ಬೆಳೆದಿದೆ. ರಸ್ತೆಗಳನ್ನು ವಿಸ್ತರಿಸಲು ಸಾಧ್ಯವಿಲ್ಲ. ವಿಸ್ತರಣೆ ಮಾಡಲು ಹೊರಟರೆ ಭೂಸ್ವಾಧೀನದ ಸಮಸ್ಯೆ ಉಂಟಾಗುತ್ತದೆ. ಸಾವಿರಾರು ಕೋಟಿ ಪರಿಹಾರ ನೀಡಿದರೂ ಸಮಸ್ಯೆ ಬಗೆಹರಿಯುವುದಿಲ್ಲ. ವಿಸ್ತರಣೆ, ಭೂಸ್ವಾಧೀನದಿಂದ ಹೊರತಾಗಿ ಸುರಂಗ ರಸ್ತೆ ನಿರ್ಮಾಣ ಮಾಡಿದರೆ, ಭೂಮಿಯೊಳಗೆ ನಿರ್ಮಾಣ ಕಾರ್ಯ ನಡೆಯಲಿದೆ. ಇದರಿಂದ ಐಟಿ–ಬಿಟಿ ವರ್ಗದವರಿಗೆ ಹೆಚ್ಚು ಅನುಕೂಲವಾಗುತ್ತದೆ. ಸಮಯವೇ ಸಂಪತ್ತು ಆಗಿರುವ ಈ ಕಾಲದಲ್ಲಿ, ಹೆಬ್ಬಾಳದಿಂದ ಸಿಲ್ಕ್ಬೋರ್ಡ್ ಜಂಕ್ಷನ್ಗೆ ರಸ್ತೆಯಲ್ಲಿ ಸಾಗಲು ಸುಮಾರು ಎರಡು ಗಂಟೆ ಬೇಕಾಗುತ್ತದೆ. ಅಷ್ಟು ಸಮಯವನ್ನು ಉದ್ಯಮಿಗಳು ವ್ಯಯ ಮಾಡಲು ಬಯಸುವುದಿಲ್ಲ. ಹೀಗಾಗಿ, ಸುರಂಗ ರಸ್ತೆಯಿಂದ ಅವರಿಗೆಲ್ಲ ಅನುಕೂಲವಾಗುತ್ತದೆ’ ಎಂದು ಉಪ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಅವರು ‘ಪ್ರಜಾವಾಣಿ’ಗೆ ತಿಳಿಸಿದರು.
‘ಕೇಂದ್ರದ ಭೂಸಾರಿಗೆ ಸಚಿವ ನಿತಿನ್ ಗಡ್ಕರಿ ಅವರು ಸುರಂಗ ರಸ್ತೆ ಉತ್ತಮ ಯೋಜನೆ ಎಂದು ಹೇಳಿದ್ದಾರೆ. ಅವರೇ ಮಾಡುತ್ತೇವೆ ಎಂದಿದ್ದರು. ಆದರೆ, ಸುರಂಗ ರಸ್ತೆ ಪ್ರದೇಶದ ಆಸ್ತಿ ಮಾಲೀಕತ್ವವೆಲ್ಲ ಕೇಂದ್ರದ ಅಧೀನಕ್ಕೆ ಬರುತ್ತದೆ, ರಾಜ್ಯದ ನಿಯಂತ್ರಣವೇ ಇರುವುದಿಲ್ಲ. ಹೀಗಾಗಿ, ನಾವೇ ಮಾಡುತ್ತಿದ್ದೇವೆ. ಮುಂಬೈನಲ್ಲಿ ಸುರಂಗ ರಸ್ತೆ ಮಾಡಿಲ್ಲವೇ? ನಾವು ಮಾಡಿದರಷ್ಟೇ ಸರಿ ಇರುವುದಿಲ್ಲವೇ? ರಾಜಕೀಯಕ್ಕಾಗಿ ವಿರೋಧ ಮಾಡುವುದು ಸರಿಯಲ್ಲ’ ಎಂದರು.
‘ಸುರಂಗ ಮಾರ್ಗದಿಂದ ಕೊಳವೆಬಾವಿ, ಅಂತರ್ಜಲ ಸೇರಿದಂತೆ ಕೆಲವು ‘ಯುಟಿಲಿಟಿ’ಗೆ ಸಮಸ್ಯೆ ಆಗುವ ಸಂಭವವಿದೆ. ಅದನ್ನು ನಿವಾರಿಸಲು ಪ್ರಯತ್ನಿಸಲಾಗುತ್ತದೆ. ಲಾಲ್ಬಾಗ್ನಲ್ಲಿ ಸುರಂಗ ರಸ್ತೆಯ ನಿರ್ಮಾಣ ಕಾರ್ಯದಲ್ಲಿ ಮಾತ್ರ ಭೂಮಿ ಬಳಸಲಾಗುತ್ತದೆ. ಅಲ್ಲಿನ ವಾಣಿಜ್ಯ ಕೇಂದ್ರವನ್ನು ಬೇಕಾದರೆ ಬದಲಿಸುತ್ತೇವೆ. ಸುಮಾರು ಅರ್ಧ ಎಕರೆಯಷ್ಟು ಪ್ರದೇಶ ಮಾತ್ರ ರ್ಯಾಂಪ್ಗೆ ಬಳಸಲಾಗುತ್ತದೆ. ಬಿಜೆಪಿಯ ಎಲ್ಲ ಶಾಸಕರೊಂದಿಗೂ ಈ ಸುರಂಗ ರಸ್ತೆ ಬಗ್ಗೆ ಮಾತನಾಡಿದ್ದೇನೆ. ಎಲ್ಲರೂ ಒಪ್ಪಿದ್ದಾರೆ. ಒಬ್ಬ ಸಂಸದ, ಕೆಲವರಿಂದಷ್ಟೇ ರಾಜಕೀಯಕ್ಕಾಗಿ ವಿರೋಧ ಮಾಡುತ್ತಿದ್ದಾರೆ ಅಷ್ಟೇ’ ಎಂದು ಹೇಳಿದರು.
